स्वच्छतागृह स्वच्छतेसाठी केला अग्निशामक दलाच्या गाडीतील पाण्याचा वापर

(पाथरी-लक्ष्मण उजागरे) – स्वच्छतागृह स्वच्छ करण्यासाठी अग्निशामक दलाच्या गाडीचा वापर पाथरीत करण्यात आला आहे. त्यामुळे या प्रकाराबद्दल नागरिकांतून संताप व्यक्त करण्यात येत असून अचानक शहरात कुठे आग लागल्यास पाणी कुठून आणणार असा प्रश्न उपस्थित केला जात आहे.

आय टी आय मधील स्वच्छतागृह स्वच्छ करण्यासाठी अग्निशामक दलाचे पाणी वापरण्यासाठी पाणी घेत असता पाण्याचा वाॅल लीक झाल्यामुळे जे पासेस देण्यासाठी तहसील चे कर्मचारी टेबल घेऊन बसले होते ती सर्व पासेस व रेकॉर्ड पाण्याने भिजली आहेत तसेच महीला कर्मचारी पण यात भिजल्या याची माहीती निवडणूक अधिकारी यांना आहे कि नाही याची कल्पना नाही. परंतु पत्रकारांना पासेस देण्याचा अधिकार त्यांना नाही म्हणतायत.

भिजलेली कोरी पासेस व संपूर्ण भिजलेला रेकॉर्ड यांची दुरूस्ती कशी करणार याचे स्पष्टीकरण निवडणूक अधिकारी यांनी द्यावे. तसेच हे पाणी जर स्वच्छतागृह स्वच्छ करण्यासाठी वापराल तर अचानक आग वगैरे लागल्यास कोठून मागवणार पाणी असा सवालही उपस्थित केला जात आहे.