जिद्द आणि चिकाटीच्या जोरावर अनेक यशोशिखरे गाठता येतात - खा . संजय जाधव ; शिवजयंतीचे औचित्य साधून कानसुर येथील गुणवंत विद्यार्थ्यांचा सत्कार*

जिद्द आणि चिकाटीच्या जोरावर अनेक यशोशिखरे गाठता येतात - खा . संजय जाधव यांचे प्रतिपादन .

शिवजयंतीचे औचित्य साधून कानसुर येथील गुणवंत विद्यार्थ्यांचा सत्कार .

पाथरी (प्रतिनिधी)"जिद्द आणि चिकाटीच्या जोरावर अनेक यशोशिखरे गाठता येतात. जिद्द आणि कष्ट याला मार्गदर्शनाची साथ मिळाल्यास प्रत्येक विद्यार्थी यशस्वी होऊ शकतो, त्यासाठी मार्गदर्शन आणि कसलीही मदत करण्यास शिवसेनेच्या माध्यमातून आम्ही तत्पर राहू अशी ग्वाही जिल्हाचे खा . संजय जाधव यांनी दिली

ते सार्वजनिक शिवजयंतीनिमित्य आयोजीत सत्कार व गुणगौरव कार्यक्रमात बोलत होते .शिवसृष्टी प्रतिष्ठान व राजे संभाजी प्रतिष्ठान यांनी या कार्यक्रमाचे शुक्रवार दि २१ फेब्रुवारी रोजी दुपारी २ वाजता आयोजन केले होते.

यावेळी जिल्हा परिषदेच्या उपाध्यक्षपदी अजय चौधरी, सभापतीपदी गंगाप्रसाद आनेराव, दादासाहेब टेंगसे आणि पाथरी पंचायत समिती सभापतीपदी सौ.थोरात यांची निवड झाल्याबद्दल कानसुर ग्रामस्थांच्या वतीने सत्कार करून शुभेच्छा देण्यात आल्या .

कार्यक्रमाला सुभाषआबा कोल्हे, विष्णू मांडे, सहसंपर्कप्रमुख प्रा.धोंडगे सर, माणिकअप्पा घुंबरे, उपजिल्हाप्रमुख मधुकर निरपणे, रवींद्र धर्मे, उपजिल्हाप्रमुख रामचंद्र आमले तालुकाप्रमुख मुंजाभाऊ कोल्हे व आदी मान्यवर उपस्थित होते.यावेळी

मोठ्या संख्येने ग्रामस्थांची उपस्थिती होती.