दुकानदारांनो खबरदार.... किराणा माल चढ्या दराने विक्री कराल तर कारवाई
दुकानदारांनो खबरदार-यु.एन.कांगणे
पाथरी-(लक्ष्मण उजागरे)
:-कोरोना व्हायरस ने जगभरात चांगलाच धुमाकूळ घातला असल्याने खबरदारीचा उपाय म्हणून राज्य सरकारने अत्यावश्यक सेवा वगळता देशभरात लाॅकडाऊन केले आहे.हीच संधी साधून पाथरी तालुक्यातील अनेक गावातील दुकानदार जादा दराने माल विक्री करत असल्याने ग्राहकांची चांगलीच लूट होताना दिसत आहे.दुकानदारांनो खबरदार किराणा माल चढ्या दराने विक्री कराल तर कारवाईला सामोरे जा असा इशारा पाथरीचे कर्तव्यदक्ष तहसिलदार यु.एन.कांगणे यांनी दुकानदारांना दिला आहे.
कारवाईची जबाबदारी तहसिल पुरवठा विभागाकडे देयात आली असुन नागरिकांनी संपर्क करण्याचे अवाहनही तहसिलदार कांगणे यांनी केले आहे.
पाथरी तालुक्यातील अनेक गावात दुकानदार चढ्या भावाने किराणा मालाची सर्रासपणे विक्री करत असल्याची माहिती मिळताच यासंदर्भात पाथरीचे तहसीलदार कांगणे यांनी या घटनेची तात्काळ दखल घेऊन अन्नधान्य पुरवठा विभागाची तातडीची बैठक बोलवून चढ्या भावाने किराणा माल विक्री करणाऱ्या दूकानदारावर विशेष लक्ष ठेवाण्याचे आदेश तहसिल पुरवठा विभागाला दिले आहेत.कोरोना च्या पार्श्वभूमीवर देशभरात अत्यावश्यक सेवा वगळता सर्व लाॅकडाऊन करण्यात आले आहे.ग्राहक किराणा माल खरेदी करताना दुकानदार चढ्या भावाने विक्री करत असल्याची धक्कादायक माहिती तहसीलदार कांगणे यांना मिळाली आहे.तहसीलदार यांनी दुकानदार यांना तंबी देत, म्हणाले की,दुकानदारानो संचारबंदी चा फायदा घेऊन ग्राहकांची लूटमार कराल तर कार्यवाही करण्यात येईल असेही तहसीलदार कांगणे यांनी सांगितले.किराणा माल चढ्या भावाने विक्री होत असेल तर त्वरित संपर्क साधून आपली तक्रार नोंदवावी असे जाहीर आवाहन तहसीलदार कांगने यांनी ग्राहकांना केले आहे.
कोणत्याही टिप्पण्‍या नाहीत:
टिप्पणी पोस्ट करा