ते आले...त्यांनी पाहिलं....सुचनाकेल्या...आणि लागलीच पाचलक्ष रुपयांची मदत केली.
प्रतिनिधी/पाथरी:-साधारण दुपारी दोन अडीचची वेळ..उष्णतेची लाट साहेब येणार म्हणून जन्मभूमी फाऊंडेशन सदस्य तळपत्या उन्हात वाटे कडे नजरा लाऊन बसलेले एवढ्यात दुरवर गाडी दिसली आणि आपण जनते साठी करत असलेले काम पहाण्या साठी खुद तालुक्याचे प्रथम नागरीक येत असल्याचे समाधान सर्वांच्या चेह-यावर दिसले.साहेब आले ते थेट बंधा-यात उतरले मध्ये दुरवर फेर फटका मारला.कामाचं तोंड भरून कौतूक केलं.फाऊंडेशन पदाधिकारी यांना सुचना केल्या.आणि लागलीच अशा कामां साठी तब्बल पाच लक्ष रुपयांचा निधी दिला.
पाथरी विधानसभा मतदार संघाचे आ मोहनराव फड यांची सामाजिक कार्याला नेहमीच मदत राहिली आहे.मदतीचा हात मागणाराला रिकाम्या हाती परत जाऊ द्यायचं नाही ही भाऊंची खासियत पाथरी तालुक्यातील वाघाळा गावात जन्मभूमी फाऊंडेशन संवेदनशील माणसांच्या मदतीने अर्धा किमी अंतराचा बंधारा बांधत असल्याची माहिती भाऊंना देण्यात आली होती.या ठिकाणी नक्की पाहाणी करण्या साठी येईल असा शब्द त्यांनी दिला होता ठरल्या प्रमाणे त्यांनी वेळ दिला आणि लिंबा येथील कार्यक्रम आटोपून एका आत्महात्या केलेल्या कुटूंबाला भेट देऊन ते वाघाळा-फुलारवाडी सिमेवर दाखल झाले.या वेळी त्यांच्या सोबत मानवत पं स सदस्य दत्तराव जाधव आणि कार्यकर्ते होते.काठवरून पहाणी न करता थेट जेथे काम सुरू आहे त्यात उतरले.दुरवर पहाणी करत फिरले फाऊंडेशनच्या सदस्यांना सुचना केल्या,कामाचं कैतूक करत शेतक-यांनी गावागावात पुढे यावे आणि अशी कामे करावी असे आवाहन केले.या बंधा-या मुळे या भागाचा हा शेवटचा दुष्काळ असले असे सांगीतले.आणि लागलीच बंधारा कामां साठी पाचलक्ष रुपयांचा निधी जन्मभूमी फाऊंडेशनला दिला.या वेळी जवळच मळ्यात फाऊंडेशनच्या वतीन आ मोहनराव फड यांच्या स्वागताचा कार्यक्रम संपन्न झाला.या वेळी फाऊंडेशनचे अध्यक्ष शेतीनिष्ठ शेतकरी पुरस्कार प्राप्त शेतकरी सदाशिव थोरात यांनी आ फड यांचा सत्कार केला.यावेळी सचिव किरण घुंबरे पाटील सदस्य गोपाल लाड, पत्रकार किशन बाराहाते,ग्रामविकास अधिकारी संदिपान घुंबरे,आरोग्यसेवक पप्पू नखाते, बाभळगावचे सरपंच कांबळे,माधव घुंबरे,ग्रामस्थ सुशिल घुंबरे,सुनिल घुंबरे आदि ग्रामस्थ उपस्थित होते. या वेळी जन्मभूमी फाऊंडेशनच्या वतीने आ फड यांचे आभार मानले
कोणत्याही टिप्पण्‍या नाहीत:
टिप्पणी पोस्ट करा