*जिंतूर-सेलूतील खंडित वीजपुरवठा तात्काळ पूर्ववत करा-*
*ऊर्जा मंत्री ना.बावनकुळे यांनी दिले परभणी महावितरणला आदेश*
*भाजपा युवा नेते मा.राजेशभैय्या घुगे(रेपेकर) यांनी केला होता पाठपुरावा*
जिंतूर/ निशाद आहेमद
जिंतूर-सेलू विधानसभा मतदारसंघात वादळी वाऱ्यासह आलेल्या पावसामुळे शहरासह ग्रामीण भागात वीजपुरवठा खंडित झाला होता. हा वीजपुरवठा तात्काळ पूर्ववत व्हावा यासाठी *भाजयुमो प्रदेश चिटणीस राजेश घुगे(रेपेकर)* यांनी *राज्याचे ऊर्जा मंत्री ना.चंद्रशेखर बावनकुळे* यांची भेट घेऊन निवेदन दिल्याने खंडित झालेला वीजपुरवठा पूर्ववत करण्यासाठी युद्धपातळीवर उपाय योजना कराव्या अशे आदेश ऊर्जा मंत्र्यांनी महावितरणला दिले आहे.
जिंतूर व सेलू शहरासह तालुक्यातील वादळी पाऊस व वाऱ्यामुळे विद्युत तारा व पोल तुटल्याने वीज पुरवठा खंडित झाला होता. परिणामी शहरासह ग्रामीण भागातील गावांमध्ये गेल्या 5 ते 7 दिवसांपासून पिण्याच्या पाण्याचा प्रश्न गंबीर झाला आहे. परभणी महावितरण कंपनी सदरील विद्युत पुरवठा सुरळीत करण्यासाठी टाळाटाळ करून विलंब लावत असल्याने सदरील प्रकरणाची तक्रार भाजपा युवा मोर्चा महाराष्ट्र प्रदेश चिटणीस राजेश घुगे(रेपेकर) यांनी मुबंई मंत्रालय येथे राज्याचे ऊर्जा मंत्री ना.चंद्रशेखर बावनकुळे यांची भेट घेऊन निवेदन दिले. निवेदनाची दखल घेऊन मंत्री महोदयांनी जिंतूर-सेलू शहरासह तालुक्यातील विद्युत पुरवठा लवकरात लवकर सुरळीत करण्यासाठीच्या उपाययोजना युद्ध पातळीवर राबविण्याच्या सूचना दिल्या व परत मंत्री कार्यालयाला केलेल्या उपायोजनेचा तपशील देण्यास सांगितले,उद्या पासून सदरील कामास सर्वत्र सुरुवात होईल असे मंत्री महोदयांना परभणी महावितरण कार्यलयातून सांगण्यात आले आहे.
कोणत्याही टिप्पण्‍या नाहीत:
टिप्पणी पोस्ट करा