आ.विजय भांबळे यांनी परभणी जिल्ह्यातील प्रधानमंत्री कृषी* *सिंचन अनुदान देण्यासाठी,कृषी मंत्र्यांची घेतली भेट,कृषी मंत्री अनिलजी बोंडे यांनी संबंधित प्रधान सचिव यांना तत्काळ अनुदान वाटपाचे दिले आदेश.

*आ.विजय भांबळे यांनी परभणी जिल्ह्यातील  प्रधानमंत्री कृषी*  *सिंचन अनुदान देण्यासाठी*

*कृषी मंत्र्यांची घेतली भेट*.

*कृषी मंत्री अनिलजी बोंडे यांनी संबंधित प्रधान सचिव यांना तत्काळ अनुदान वाटपाचे दिले आदेश*.

जिंतूर  / निशाद आहेमद

 

 जिंतूर  आज दि.२४ जून रोजी आमदार विजय भांबळे यांनी कृषी मंत्री अनिलजी बोंडे यांची प्रत्यक्ष भेट घेऊन एका निवेदनाद्वारे परभणी जिल्ह्यातील सिंचन अनुदान तत्काळ वाटप करण्याची मागणी केली. जिंतूर – सेलू मतदार संघासह  परभणी जिल्ह्यातील ५६२७ शेतकऱ्यांना प्रधानमंत्री कृषी सिंचन योजने अंतर्गत कृषी कार्यालय परभणी यांनी अनुदानासाठी पूर्व संमती दिलेली आहे. त्यापैकी ३१६५ शेतकऱ्यांना त्यांचे अनुदान मिळाले. उर्वरित २४६२ शेतकऱ्यांचे सूक्ष्म सिंचनाचे अनुदान बाकी आहे. त्यासाठी लागणारा ३८७.४३ लक्ष रुपयाचा केंद्र शासनाचा निधी उपलब्ध आहे परंतु २५८.२९ लक्ष रुपयाचा राज्य शासनाच्या हिश्याचा निधी उपलब्ध नसल्यामुळे उर्वरित सर्व शेतकऱ्यांना अनुदान वाटप करणे शक्य होत नाही.  राज्य शासनाच्या हिश्याचा जिंतूर – सेलू मतदार संघासह परभणी जिल्ह्यासाठी  २५८.२९ लक्ष रुपयाचा निधी उपलब्ध करून देऊन संबंधितास शेतकऱ्यांचे अनुदान तात्काळ वाटप करण्यास आदेशित करावे अशी मागणी या निवेदनाद्वारे करण्यात आली.

      यावेळी कृषी मंत्री अनिलजी बोंडे यांनी संबंधित खात्याच्या प्रधान सचिव यांना तत्काळ सिंचन अनुदान मंजूर करून शेतकऱ्यांच्या खात्यावर वाटप करण्याचे आदेश दिले.  यावेळी आ.बाबाजानी दुर्रानी साहेब देखील उपस्थित होते.